Frekuenca

Një lëkundës i cili bën 25 lëkundje në 60 sekonda, një frekuencë prej $0.41\overline{6}$ Hz.

Frekuenca është numri i ndodhive, të një ngjarje të përsëritur, për njësi kohe. Asaj zakonisht i referohet si frekuencë kohore. Perioda është kohëzgjatja e një cikli në një ngjarje e përsëritur, kështu që perioda është e anasjellta e frekuencës. Si shembull, viti është perioda e orbitës së Tokës rreth Diellit.

Për shembull, nëse zemra rreh me një frekuencë prej 120 rrahjesh në minutë, perioda T- intervali i përsëritjes së rrahjes- është gjysëm sekonde, sepse në kaq kohë ndodh një rrahje. Frekuenca është një parameter i rëndësishëm i përdorur në shkencë dhe inxhinieri për të specifikuar shkallën e lëkundjes (oshilimit) dhe dukurive dridhëse (vibruese) si dridhjet mekanike, sinjalet audio (tingulli), valët e radios dhe drita.

Përcaktimi dhe njësitë

Një njësi tradicionale e matjes e përdorur me pajisje mekanike është rrotullim për minutë, e shkurtuar si RPM. 60 RPM janë të barabarta me një herc.

Perioda, zakonisht e dhënë me simbolin T, është gjatësia e kohës e marrë prej një cikli , dhe është reciprokja e frekuencës f:

$T=\frac{1}{f}$

Njësia SI për periodën është sekonda. Njësia SI e frekuencave është herc (Hz), e cila përcaktohet si një cikël për sekondë.

Madhësitë e lidhura

• Frekuenca këndore, zakonisht e shënuar me gërmën greke ω (omega) përcaktohet si shkalla e ndryshimit të zhvendosjes këndore (gjatë rrotullimit), θ (theta) ose shkalla e ndryshimit të fazës së një vale sinusoidale ose si shkalla e ndryshimit të argumentit të funksionit sinus:

$y(t)=\sin (\theta (t))=\sin (\omega t)=\sin (2\pi ft)$

$\frac{d\theta }{dt}=\omega =2\pi ft$

Njësia e frekuencës këndore është radian për sekondë (rad/s), por për sinjale kohore diskrete, mund të shprehet edhe si radian për interval kampionimi, e cila është një madhësi pa dimension. Frekuenca këndore është frekuenca e shumëzuar me $2\pi$.

• Frekuenca hapësinore, e shënuar me $\xi$, është analogia e frekuencës kohore, por me matjen hapësinore që zëvëndëson matjen kohore:

$y(t)=\sin (\theta (t,x))=\sin (\omega t+kx)$

$\frac{d\theta }{dx}=k=2\pi \xi$

Përhapja e valës

Për valët periodike në mjedise joshpërhapëse (pra mjedise në të cilat shpejtësia e valës është e pavarur nga frekuenca), frekuenca ka një lidhje të anasjelltë me gjatësinë e valës, $\lambda$ (lambda). Edhe në mjedise shpërhapëse, frekuenca $f$ e një vale sinusoidale është e barabartë me shpejtësinë e fazës $v$ të valës thyer për gjatësinë e valës:

$f=\frac{v}{\lambda }$

Në rastine valëve elektromagnetike në vakum, atëherë $v=c$ , ku $c$ është shpejtësia e valës në vakum, shprehja kthehet në:

$f=\frac{c}{\lambda }$

Kur valët monokromatike (të një frekuence) kalojnë nga një mjedis në tjetrin frekuenca nuk ndryshon, ndryshojnë shpejtësia dhe gjatësia e valës.

Shikoni gjithashtu

• Frekuenca natyrore
• Banda e frekuencave
• Frekuenca negative

Referime

• Stampa:Cite book

Lidhje te jashtme

• National Research Council of Canada: Femtosecond comb; The measurement of optical frequencies
• Conversion: frequency to wavelength and back Stampa:Webarchive
• Conversion: period, cycle duration, periodic time to frequency
• Keyboard frequencies = naming of notes - The English and American system versus the German system
• Teaching resource for 14-16yrs on sound including frequency Stampa:Webarchive
• A simple tutorial on how to build a frequency meter
• Frequency - diracdelta.co.uk - javascript calculation.